Hamasei hezitzailetik hamar berriak dira, esaterako, Printzearen Harresi zentroan. Euskarazko eredua eskaintzen dute, eta Buztintxuri eskolan bezala ingelesezko jarduerak gehitu beharko dituzte aurten. Hezitzaileen hizkuntza eskakizuna aldatzea eragin du erabakiak. Zuzendaria da Gari Torregrosa.
Ez da hori, baina, kudeatu behar izan duten bakarra. Jarduera horiek noiz eta nola egin behar dituzten ez dute argi, ez dute eta irizpiderik jaso udaletik. Profesionaltasunez euskara lehenesteko hautua hartu dute Printzearen Harresia zentroan.
Euskara da eskola horretara joateko arrazoi nagusia, hori berretsi dute aurten ere bertan matrikulatu diren familiek. Plazak, baina, urriak eta publikoak dira. Eta ez da erraza familientzat lekua lortzea. Eskaintzaren eta eskariaren bitartez arrazoitu zuen atzo berriz ere Enrique Maia alkateak azken erabakia. Haren hitzak deitoratu ditu Torregrosak.
Egokitzapen epean, aldaketara moldatzeko lanean dira Printzearen Harresian. Aurten ehuneko ehunean dituzte beteta plazak, PSNk eskuineko hirukoaren aurrekontuak onartzeko lortutako doakotasunaren ondotik, merkeagoa baita matrikula.