Goxua’n Salsa: “Komunitate latinoa eta euskalduna kontzertu berdin batean batu nahi ditugu"

Bihar kontzertua eskainiko du Goxua’n Salsa taldeak, 20:00etan, Medialuna parkean, doan. Julen Leuza eta Xanti Etxeberria kideak izan dira Guardasola saioan.

Ekainean eskaini zuen lehenengo kontzertua talde sortu berriak, Totem aretoan. Kolonbiako, Kubako eta Nafarroako hamalau musikarik osatzen dute Goxua’n Salsa taldea. Ohiko moldeaz bestelako kontzeptu berri bat garatzeko asmoz batu ziren 2019an, irian hutsik dagoen espazio musikala betetzeko eta kulturen arteko loturak sortzeko.

Kunbia kolonbiarrak, kubatar kantuak eta euskal pop-rock abesti melodikoen moldaketa zenbait egiten dituzte eta aurrerantzean abesti propioak sortu nahi dituzte.