Leihotikan taldeak kontzertua eskainiko du gaur Salestarren patioan

Euskalerria Irratia 2021ko uzt. 27a, 10:14

‘Musika aretoak karrikan’ zikloaren barruan arituko dira, Akelarre tabernak babestuta. Sarrera librea izanen da lekuak bete arte. Gorka Armendariz kidea izan da Guardasola saioan.

Taldea lehenago sortu zuten, baina 1995eko martxoan jo zuten jendaurrean lehen aldiz, Altsasuko gaztetxe historikoan. Iaz bete zuen mende laurdena talde iruindarrak, eta hura ospatzeko bira abiatu zuten. Taldean ibilbidea errepasatzeko kontzertua izanen da gaurkoa ere. 

Atzera begira bi maketa eta zazpi disko grabatu dituzte, ehunka izan dira egin dituzten kontzertuak, Euskal Herrian gehienak baina baita Kantabrian, Katalunian eta Madrilen ere. Tokian tokikoari lotuta dagoen taldea da, baina, Leihotikan; eta bertako eszenaz gozatzen ikasi dute bidean. 

Aurrera begira, dagoeneko ari dira abesti berriak sortzen. Poliki, oreka galdu gabe. Oraindik erabaki gabe duten arren, datorren urtean kaleratu dezaketela aurreratu du Armendarizek.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!