Iruñeko Udalak onartu duen hizkuntz ereduen aldaketa “kaltegarria” izanen dela salatu du Gari Torregrosa zuzendariak. Langileen defentsagatik deitu dute greba LAB eta CCOO sindikatuek. Deialdiak jarraipen zabala edukiko duela sinetsita dago Torregrosa; nahiz eta, udalak gehiegizko gutxieneko zerbitzuak ezarri dituen haren irudikoz. Iruñeko udal haur eskoletako zuzendaritza guztiek bat egin dute udalaren erabakiaren aurka: “Euskara babestu behar dela argi dugu guztiek, eta hain goiz ezin dela hirugarren hizkuntza bat txertatu hezkuntzan”.
Iruñeko Udaletik bermatu diete orain ez dituztela kanporatuko, baina Torregrosak ohartarazi du etorkizunean zailtasunak izanen dituztela langileek haien lanpostuei eusteko, hitzuntz eskakizunengatik. Aldaketak irizpide pedagogikoak kontuan hartu gabe eginen dituztela azaladu du.
