Memoria historikoan edota mugikortasunean oposizioarekin bat azaldu dira sozialistak. Baina Asironek salatu duenez, "ezkerrarekin keinuak" izan dituen arren, "gauza garrantzitsuetan beti eskuinarekin daude". Iruñeko auzoetako prebentzio talde komunitarioen ezabapena, operadore energetikoen bidearen ixtea, euskararen egungo ordenantzaren onarpena edota haur eskolen inguruko estrategia jarri ditu adibide. Aurrekontuak onartzeko akordioa Esporrinek Maiari egindako "azken mesedea" izan dela esan du, "baina ez lehenengoa". Aurrekontuak Navarra Sumak kudeatuko dituela ohartarazi du alkate ohiak, eta alor sozialean "murrizketak" izan daitezkeen beldur da. Sozialistek hainbat aldaketa gehitu dizkiote aurrekontuari, baina Asironek uste du eskuinak ez duela hitza bateko.
