Iruñeko haur eskolen euskarazko eskaintzaren egoeraren eta "borondate eta akordio faltaren aurrean" zerbait egin beharra zutela ikusi zuten HE Gurasoak plataformako kideek. Alternatiba bat aurkeztea erabaki zuten: "Proposamena, gutxieneko proposamen bat da. Ez da guk nahiko genukeena”. Geroa Bai, Podemos-Ahal Dugu, Izquierda-Ezkerra eta EH Bilduri eskatu diete bere egin dezaten proposamena, PSNk eta Hezkuntza Departamentuak onar dezaten. Gogoratu dutenez, Gimeno Hezkuntza kontselaria da Iruñeko Udaleko eta Nafarroako Gobernuko haur eskoletan azken hitza duena.
Gutxieneko proposamenak honakoa dio: Iruñeko zonalde bakoitzean euskarazko murgiltze eredua bermatzea. Iruñean, gaur egun dauden 16 haur eskola publikoetatik soilik batek eskainiko du datorren ikasturtean euskarazko murgiltze eredua.
