Hiru urte dira pentsiodunen elkarteak astelehenero elkarretaratzeak egiten ari direla, eta hasi zireneko aldarrikapenak ez dituzte aldatu: pentsio publiko duin eta nahikoak nahi dituzte. Urteurrenean, manifestazioan irtengo dira. Sasoia elkarteko Patxi Urrutiarekin mintzatu da Euskalerria Irratia.
Espainiako gobernuak pentsioen nahikotasuna murriztu eta pribatizazioa bultzatzen jarraitzen duela ohartarazi du Patxi Urrutiak Euskalerria irratian. Toledoko Itunean bildutako neurriak eta Pentsio Sistema Publikoan egin nahi duten erreforma jarri ditu adibide. Erabaki horiek baldintzatuko dituzte etorkizuneko pentsioak eta etorkizuneko belaunaldien mobilizazio eskasak kezkatuta du Urrutia. Gazteen alde ere ari baitira protestan. Gaur eguerdian Iruñeko Udaletxeko plazatik Nafarroako Gobernuraino eramanen dituzte aldarrikapenak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!