Iruñeko Ezpeleta jauregian eskainiko dute bihar ‘Berandu baina garaiz’ lehen diskoa aurkezteko egin duten birako azken kontzertua. Berezia izanen dela aurreratu du Amets Aranguren musikariak Guardasola saioan.
Kontzertuetan diskoan grabaturiko kantez haratago joaten saiatzen dira Ibil Bedi taldeko kideak, publikoak abestiak bere senti ditzan, eta itxialdia probestuta hasi dira pieza berriak sortzen. Azken hilabeteak nola igaro dituzten eta datozenetarako aurreikuspenak azaldu ditu Amets Arangurenek Euskalerria Irratian.
Urrian kaleratu nahi dute bigarren lana, eta horretarako lan eta lan ari dira. Bitartan bihar 20:00etan izanen da azken aukera Ibil Bedi zuzenan ikusi eta gozatzeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
