Iruñeko peñak itxita dituzte oraindik, eta ez dute presarik irekitzeko, argi baitute zaila izango dutela kutsatzeak saihesteko baldintzak betetzea. Hala ere, Azkonak kritikatu du Nafarroko Gobernuarekin eta Iruñeko Udalarekin kontaktuan jarri direla baldintzen inguruko informazioa eskatzeko, eta ez dutela erantzunik jaso.
Bestalde, udalak esan du sanferminetarako egitarau alternatibo bat prestatzen hasia dela, eta, Peñen Federazioaren arabera, halako erabakiak sanferminetako mahaitik atera beharko lirateke. “Ez dugu jaso udaletxearen partetik informaziorik, eta ikusten dugu hori dela haien modus operandi”, adierazi du Azkonak.
