XXI. mendeko poesia 'Högeitavåt' errezitaldian

Iñigo Astiz eta Mikel Ayerbe Kondestablearen Areto Gotikoan arituko dira ostegun honetan 19:30ean Garaikide zkolaren barrenean.   

Iñigo Astiz idazlearen Analfabetoa liburua ixten duen testua oinarri hartuta, mende honen mamuei eta itxaropenerako zantzuei eskainitako poema irakurketa eszenikoa prestatu dute Astizek berak eta Mikel Ayerbek: Högeitavåt. Nahasian doaz alor intimoa eta soziala irakurketan. Poesia da saioaren muina, baina soineko eszenikoa jantzi diote proposamenari egileek, eta antzerkia, hitza eta performancea batu dituzte horretarako.

Nafar Ateneoarekin batera antolatutako emanaldia.