"Hiru pertsonarekin eginen dituzte karga probak? Hori hiritarrei adarra jotzea da", adierazi du Joseba Asironek. "Eta gero zer, irekitzean txandaka sartu ahalko da jendea? Hirunaka? Mesedez, horrek ez du ez hankarik ez bururik", gaineratu du
Enrique Maia hautesku se kanpainan egindako promesen gatibu ikusten du Joseba Asironek, eta orain, arrazoirik izan gabe, aurrera egin behar du agindutakoarekin. EH Bilduko eledunak azaldu duenez, Maiak badaki egungo pasabideak "arazo konponezinak" dituela eta denbora galtzen ari dela txosten berri hau aurkeztean.
EH Bilduko udal taldeak salatu du ez dakitela pasabidearen egileek Iruñeko aurreko gobernu-taldeak eskatu zizkien 800.000 euroak bueltatu ote dituzten, uztailaren 7rako egin behar zuten bezala.
