Datoren astean hasiko dira altzairuzko zatiak kentzen. Metalezko xafla solteak kenduta, 15 egunez gatazkan daudenek beren ikuskaritza propioak eta txostenak egiteko aukera izanen dute pasarela gainean. Behin epe hori bukatuta, zubia erabat desmuntatuko da. Martxoaren 13an hasiko dira lanak. Lehendabiziko lau egunetan pasarelaren gainekaldean lan eginen dute beharginek. Horren ostean, bizpahiru egunez, Labrit aldapako errepidea tarteka moztu beharko dute, alboetako eta zubi azpiko xaflak kentzeko. Martxoaren 22rako lehendabiziko fase hau bukatutzat eman nahi du Udalak, aldeen ikuskaritzak ahalbidetzeko.
Iruñeko udalak Labriteko pasarelarengatik 813mila euroko kalteordainak eskatuko dizkio zubia diseinatu eta eraiki zuten enpresei. Txosten juridikoa ezagututa egin du iragarpena udal gobernu taldeak. Pasarelak 600mila euroko kostua izan zuen, horri udalak urte guzti hauetan jarritako partxe eta konponketen kostua eta desmuntaian gastatuko dena gehituko zaio.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!