Iruñeko Udalak eta hainbat herritarrek aurkeztu zuten kereila, 2017ko martxoan. Auzitegiaren arabera, delituak preskribatuta daude eta ez dira gizateriaren kontrakoak. Iruñea izan zen estatu osoan, horrelako salaketa egin zuen lehendabiziko hiria, bere atzetik etorri dira beste hirietako udal agintariek aurkeztutakoak. Gaur Diputatuen Kongresuan izanen dira Iruñeko Udaleko ordezkariak, Joseba Asiron alkatea buru, Bartzelona, Zaragoza eta Rivas-Vaciamadrid-eko hautetsiekin batera Frankismoaren inpunitatearen kontrako hirien sarearen batzarrean.
Frankismoaren kontrako kereilaren artxibatzea errekurrituko du Iruñeko Udalak
Gaur izanen da Madrilen Joseba Asiron alkatea, Frankismoaren inpunitatearen kontrako hirien sarearen biltzarran. Bertan iragarriko du, Epaitegi Konstituzionalean helegiatea aurkeztuko duela Iruñeko Udalak pasa den otsailaren 13an Nafarroako Epaitegi Nagusiak Frankismoaren kontrako salaketa artxibatzeko hartutako erabakiaren kontra. Espainiako epaitegiek bdiea moztuko balute, Europako Giza Eskubideen auzitegietaraino jotzeko borondatea du Iruñeak.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
