Iruñeko alkatea alde zaharreko merkatari eta hostalariekin bil du egun hauetan gertatutakoa eta haien kexak ezagutzeko. Joseba Asironek elkarrizketarako deia egin die alde guztie Maravillas Gaztetxearen gatazka konpontzeko. Horretarako beharrezkotzat jo du poliziaren kargak eta presentzia berehala amaitzea. “Auzoak normaltasunera itzuli behar du, ezinbesteko baldintza da hitz egin ahal izateko” adierazi du Iruñeko alkateak.
“Irteera puntuan gaude berriz ere” azal du Asironek, “alde zaharrean erabilerarik gabeko eraikin publiko bat dugu alde batetik eta bertako gazteek beren autogestiorako lokal baten beharra dute. Honi konponbidea topatu behar zaio”. Alkateak gogoratu du bere gobernu taldeak egindako ahalegina Gaztetxeko kideei lokal alternatiboak eskeiniz beren jardueretarako, nahiz eta hauek azken unean uko egin zioten akordioari.
Gaur goizean, oraindik ere, Foruzainen bi furgonetek zaintzen zuten Nabarreria plaza. Beharginek berriz ere altxatu dute Rozalejo Jauregiko atea ixten zuen adreiluzko horma, atzo arratsaldean znbait pertsonek kolpez bota zuten ostean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
