Maravillas Gaztetxea "huste arriskuan" egon daiteke berriro

Maravillas Gaztetxea "huste arriskuan" egon daiteke berriro

Nafarroako Gobernuak auzibide hori bertan behera ez uzteko jarritako errekurtsoaren ebazpena gaur emanen du epaitegiak. Horrek esan nahi du, gaurtik aurrera "Maravillas Gaztetxea husteko agindua" berriz iritsi daitekeela edozein momentutan. 

"Autoantolakuntzaz guztion artean eraikitako proiektua da egun Maravillas Gaztetxea. Edornork hartu dezake parte; norberaren jardun politikoa zein soziokulturala agratzeko aukera dago. Herri Mugimenduen elkargune bat da, gizarte kapitalistari aurre egin diezaiokeena", azaldu dute Alde Zaharreko gaztetxeko kideek. Salatu dute Nafarroako Gobernua eta bereziki Geroa Bai erantzule eginez ez duela hizketarako batere borondaterik: "Abuzuan desalojo saiakera izan zen eta gaur ebatziko duten errekurtsoaren ondoren ere, arriskuan egon daiteke gaztetxearen biziraupena", azaldu dute. 

Nafarroako Justizia Auzitegiak artxibatu egin zuen gaztetxea husteko agindua. Baina, Nafarroako Gobernuak halakorik ez zuelako eskatu, auzia behin-behinean geldiaraztea eskatu baitzion, errekurtsoa jarri zuen auzia istearen aurka. Gaur ebatziko du hori epaitegiak. Horren ondoren "gatzetxea husteko arriskua" handitu daitekeela adierazi dute gaztetxeko kideek. 

"Abuztuan argi utzi zuten ez daukatela ez hitzartzeko ez negoziatzeko asmorik. Hautatu duten bide bakarra errepresioarena izan da. Ez diote gatazkari irtenbiderik eman nahi", kritikatu dute. Egoeraren erantzule bereziki Geroa Bai egin dute Alde Zaharreko gazteteko kideek eta horregatik hizketarako beste bide bat zabaldu dute: "EH Bildurekin hizketan hasi gara auzoko eragile ezberdinek eskatuta, eta aurrera begira alterbatibak aztertzen hasi gara", azaldu dute. 

Erlazionatuak

Aldaketaren alderdietan arrakalak eragin dituzte Maravillas gaztetxearen inguruko gertaerek

Erabiltzailearen aurpegia

Gaztetxeen loraldi bat eman da azkenaldia Nafarroan. Iruñeko Alde Zaharreko Maravillasekin batera, Arrotxapean, Tafallan, Lizarran, Burlatan...
Maravillas gaztetxea hustu dute poliziek

Iruñea

Goizaldeko 5:00ak aldean hasi dira foruzainak eta Espainiako polizia gaztetxea husteko lanetan. Indarra erabili dute gazteak Maravillas ingurura hu...