Euskaraldia: 11 egun euskaraz ariketa sozialean parte hartzeko norbanakoen izen-emate epea ireki dute gaur. Arratsaldeko 18:30ean egin dute irekiera ekitaldia; baina Irrintzi Plaza 16:00etan hasi da zuzenean bertatik nondik norakoen berri ematen.
18:00ak arte Euskaraldiaren parte diren hainbat norbanako elkarrizketatu dituzte Reyes Ilintxeta eta Lohizune Amatria kazetariek. Nafarroako Topaguneko arduradun Oskar Zapata eta Euskaraldiko koordinatzaile Arrate Ilaro izan dira lehenengo gonbidatuak. Euskaraldiako Nafarroako sustatzaile Larraitz Amadoz eta Iruñerriko sustatzaile Orreaga Zubeldia eta Iñaki Sagardoi ere pasa dira mikrofonoen aurretik.
Herrietan nobanakoek egiten ari direnlana ezagutzera emateko Burlata, Berriozar, Iruñea, Eguesibar, Lizarra, Imotz eta Basaburuako batzordeetako kideak elkarrizketatu dituzte. Euskal Herriko dinamika da Euskaraldia, eta ikuspegi orokor hori islatzeko Jenofa Berhokoirigoin Ipar Euskal Herriko Euskaraliko koordinatzailea, Ana Ollo Nafarroako Gobernuko Herritarrekiko eta Erakundeekiko Harremanetarko kontseilaria eta Elena Laka Topaguneko burua ere izan dira. Tartean, gainera, Urko Aristi eta Pantxika Lamur ere agertu dira.
