Esporrinek "matxista" deitu izana gaitzetsi du Asironek

Euskalerria Irratia 2018ko ira. 5a, 13:50
Joseba Asiron Iruñeko alkatea, artxiboko irudi batean

Alkateak "jarrera matxista" duela adierazi du Maite Esporrin zinegotzi sozialitak prentsaurrean. Facebook sare soziala erabili du Asironek erantzuna emateko.

 

Gizonezkoak hobeki tratatzen dituela eta jarrera matxista izatea egotzi dio Maite Esporrin Iruñeko zinegotzi sozialistak Joseba Asiron alkateari, prentsari egindako adierazpenetan. Alkateak sare sozialen bitartez erantzun dio zinegotziari, gogor kritikatuz hari buruz esandakoak. 

Inoiz inork halakorik egotzio ez diola adierazi du Asironek, eta 24 urtetan emakumezko askorekin irakaskuntzan aritu dela. "Inoiz emakumezko ikasle edo irakasle bakar batek ez dit esan bidegabeko tratua eman izan diodanik, edo gizonezkoei tratu hobea eman izan diedanik. Inork ez dit leporatu, zuk ia ezagutu gabe, egotzi didazuna. Dena ez da onargarria politikagintzan", esan du.

"Zaborra zabaltzen ahalegintzea" leporatu dio: "Har ezazu kontuan, alkate hau bezalako jendeari buruzko gezurrak zabaltzeko ahaleginean, lortu duzuna izan dela zu benetan nolakoa zaren erakustea".

 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!