"Onartezina da emakumearen irudia erabiltzea Sanferminetako erakargarri gisara, are gehiago iragarkia sexista eta matxista denean", hala nabarmendu du Iruñeko Udaleko Berdintasun Teknikariak. Elkarretaratzean bat egin dute Udaleko alkate eta alderdi politiko guztietako zinegotziek.
Emakumearen Udal Kontseiluak eta Sanferminak Berdintasunean lan taldeak deitua zuten protesta. Bat egin dute alderdi guztietako ordezkariek. Nabarmendu dute, inoiz baino beharrezkoagoa dela eraso guztien aurrean erantzun irmoa ematea.
Kanpaina martxan aurten ere
Iruñeko Udaleko Berdintasun Teknikariak jakinarazi du aurten ere kanpaina berezia eginen dutela Sanferminei begira, "emakumeenganako inolako erasorik sortu ez dadin eta herritarren artean kontzientziazioa zabaldu nahian".