Zerbitzu publikoen defentsan kalera atera nahi ditu burlatarrak Burlatarengatik herri plataformak. Navarra Sumaren udal gobernuak jarrera autoritarioa, murriztailea eta pribatizatzailea duela salatu dute. Uholdeen kudeaketa, kultur eta kirol patronatuen deuseztatzea edota haurren ludotekaren itxiera jarri ditu adibide plataformako kide Gorka Valesek.
Euskararen Ordenantza ere murriztu du udalak, PSNren babesarekin. Euskara merezimendu gisa aintzat hartzeko artikuluak kendu dituzte, eta udal komunikazioetan gaztelania lehenesten du udal gobernuak. Kritiken aurrean, herritarrak eta udal langileak erasotu dituztela salatu du Valesek.
Egoera salatzeko manifestazioa eginen du plataformak. 19:00etan irtengo dira manifestariak, Askas plazatik.