Mikel Oteiza (Atarrabia): “Bi uholde izan ditugu: ibaiarena eta auzolanarena”

Lohizune Amatria Zabalza 2021ko abe. 13a, 12:22

Ultzama eta Martiket auzoak izan dira kaltetuenak Atarrabian. Kirolgunea guztiz suntsitu du urak. Gobernuari egoerari aurre egiteko beharrezko neurriak ezartzeko eskatuko dio Atarrabiako Udalak. Mikel Oteiza da alkatea.

Ultzama eta Arga ibaietatik gertuen diren auzoak hartu zituen urak ostiralean. Han izan dira kalte materialik handienak: argindarrik gabe izan dira eta Martiket auzoko bizilagunak Atarrabiako Hotelean hartu dituzte, haien etxeak suntsitu dituelako uholdeak. Ostiraleko uholdearen ondotik, baina, beste bat agertu zela azaldu du Atarrabiako alkate Mikel Oteizak: auzolanarena.   

Etxabeetatik ura kentzen aritu dira asteburuan, lokaletatik kaltetutako materialak ateratzen eta lokatza garbitzen. Kalteak agerikoak izan dira, eta horiei aurre egiteko uneko laguntzaz gain, bestelako neurri estrukturalak beharko direla uste du alkateak. Gaur Nafarroako Gobernuak kaltetutako udalerriak bilerara deitu ditu, egoera aztertzeko. Gobernuak zer proposatzen duen entzutera joanen da Oteiza, baina baita inplikazioa eskatzera ere. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!