Martxoaren 8ko leloarekin bat eginez - Antolakuntza feminista gure garra -, eta normaltasuna berreskuratzen ari direla probestuz, berrio elkartzeko eta egun feminista bat antolatzeko beharra ikusi du Iruñeko Mugimendu Feministak. Bihar izanen da egun hori, Antsoainen: Feministok Fest. "Hemen gaudela ikustarazi nahi dugu", azaldu du Euskalerria Irratian Amaia Santestebanek.
Bi une nagusi izanen ditu jaialdiak. Eguerdian izanen da lehenengoa, Antsoaingo antzokian. Hasi ginenean baino gehiago gara, Mugimendu Feministaren hainbat mugarri mahai ingurua eginen dute. "70eko hamarkadatik, orain arte Iruñean, Nafarroan egon diren mugarri feministak errepasatuko ditugu, nola antolatu garen kontatuko dugu, genealogia eginez". Bigarrena, bazkal aurreko kalejira izanen da.
Hala ere, denetarik izanen da bihar Antsoainen. Futbito txapelketa antolatu dute abiatzeko, haurrentzako jolas feministak izanen dira, dance hall tailerra eta egunari amaiera emateko, kontzertuak, Txokogorrin.
Hemen da ????FEMINISTOK FEST????
— Iruñerriko Mugimendu Feminista (@IrunerrikoMF) February 19, 2022
Egun osoko egitaraua antolatu dugu elkarrekin egoteko, hausnartzeko eta disfrutatzeko.
➡️Martxoaren 5ean baduzu plana!
Ez galdu aukera eta animatu parte hartzera! Antsoainen ikusiko dugu elkar! ???? pic.twitter.com/erwIw7jdNh
