Orbaizetako Olan eginen dute aurten ere Mikel Zabalza gogoratzeko omenaldia, igandean, eguerdian. Mikel Zabalza Gogoan herri plataformak urteotan egindako bidea eskertu eta etor daitekeen atzerapausoei begira ere jartzeko baliatuko dute. Izan ere, duela 41 urte hil zuen Guardia Zibilak Intxaurrondoko kuartelean Zabalza. Ordutik, bertsio ofizialak entzun behar izan dituzte eta egia, justizia eta aitortza eskatzeko lan eskerga egin: "Oraindik bidea dago egiteko. Espainian Sekretu Ofizialen legea oraindik ezkutuan mantetzen dute eta eskuin muturrak atzera pausoak ekar ditzake afera horietan", adierazi du Lohizune Amatria Zabalza zenaren ilobak. Herritarrak gonbidatu dituzte igandean omenaldian parte hartu dezaten.