Bartzelonako zinema independentearen jaialdian parte hartuko dute Oskar Alegriaren bi lanek: batetik, Hamalau Gau izenekoak, eta bestetik, Lergako bizilagunekin ondutako Kukuaren Kanta, film laburra da Ione Atenea, Marina Lameiro eta Garazi Erburuk koordinatutakoa. Donostiako Zinemaldian aurkeztu zuen Alegriak Hamalau Gau izeneko filma. Jorge Oteizaren figuraz mintzo da.
Kukuaren Kantak berriz Lerga herriaren edertasunaz mintzo da, urtaroen iritsiera itxoiten duen herriaz, kanpoan bizi den presari, erritmoari izkin eginez.
Si los pajaros cantan filma ere iritsiko da Bartzelonako jaialdi horretara. Beatriz Larrageta zinemagileak egindako lana da eta El Rayo Verdek produzitua. Ezkaba mendia igotzen zuten emakumeen istorioa kontatzen du, presoei arropa eta jatekoa eramaten zieten haiena.
33.edizioa du L’ Alternativa festibalak eta azaroaren 12tik 22ra eginen dute.