Leo eta Loreak elkar maite izan dute. Agian oraindik ere maite dute elkar. Baina zerbait hautsi da bien artean. Bost urteko harremanaren ondoren, bikotea banandu egin da.
Leo gaixo dagoen bere aitaren zama eta zaintza bere gain hartzen saiatzen da, erantzukizunaren eta barrutik itotzen duen deskonexio emozional baten artean harrapatuta. Lorea, aldiz, gaizki ordaindutako lanen eta krisi pertsonalen artean korapilatuta dago, eta bere burua berreraikitzen saiatzen da nondik hasi oso ondo jakin gabe.
Biak ala biak nekaturik eta bakarrik dauden bi gorputz dira. Prekarietateak, konpondu gabeko arazoek eta gauza guztietara (maitasunera, egonkortasunera, heldutasunera zein lasaitasunera) beti berandu iristen dela dirudien belaunaldi baten herentzia emozionalak markatutako bidea erakusten du istorioak.
Bigarren Solairuan Gontzal Agote zineman adituarekin mintzatu gara Esta soledad filmaren inguruan.