Uda iritsi aurretik ELA sindikatuak gainerako sindikatuei eta administrazioari helarazi zien euren asmoa: negoziazio mahaietan euskaraz aritzeko eskubidea errespetatzea eskatuko zuela euskaraz negoziatu nahi zuelako.Horretarako Nafarroako Enpresarien Elkargoarekin eta gainerako sindikatuekin batzartu zen, baita Nafarroako Gobernuari mezu bera helarazi ere. Gauzak horrela, atzo, lehen aldiz, Mahai Orokorrean euskarazko itzulpen zerbitzua izan zutela adierazi du sindikatuak: alegia, hizkuntz eskubideak bete egin zirela: "Nafarroako Gobernuak botere politikoa ordezkatzen duen heinean, nafarron hizkuntza eskubideak errespetatu beharko lituzke eta ez bakarrik sindikatuek euskaraz komunikatu nahi direnean, baizik, gobernuak ere hizkuntz horretan erantzun beharko luke" .
Nafarroako Gobernuak orain egin duena hizkuntz-eskubideak errespetatzea izan da, besterik ez. "Zapalkuntza sistematikoa denean hau bezalako keinu bat garaipen txiki bat dela" , adierazi du ELA sindikatuak eta gaineratu, "beti ere Nafarroako Gobernuak aurrerantzean hizkuntza eskubideak errespetatzen baditu izanen da benetako aurrera pausoa".