PSNko alkate batek eskatu dio Hezkuntza kontseilariari D eredua, euskarazko eredua, ezarri dezala herriko eskola publikoan. Horrela eskatu diote Villatuertako zortzi familiek Villatuertako Udalari ere. Hezkuntza departamentuan erregistratutako eskarian, Maria Jose Calvok, landa eremuko eskola indartu eta egun herriko haur eskolan ari diren txikiek, beren hezkuntza ibilbidea herrian bertan jarraitzeko aukera izan dezaten. Izan ere, egun, herriko haur eskolan, udalaren esku dagoena, baina enpresa batek kudeatzen duena, B2 euskarazko maila eskakizuna eskatzen zaie hezitzaileei herriko hainbat familiak eskatuta. Haur horiek abiatua dute euskaraz beren ibilbidea. Orain arte, Lizarrako eskolara edo ikastolara joan behar zuten euskaraz Villatuertan ikasi nahi zuten txikiek. Hori aldatzeko eta herrian segi dezaten euren hezkuntza ibilbidea egiten D eredua ezartzeko eskaera egin dio Udalak Hezkuntza Departamentuari.
Maria Jose Calvo alkateak atzo eman zuen dimisioa bere karguan, lan kontziliazio arazoak direla medio eta Maria Garin izanen da haren ordezkoa.