Oteizaren 14 apostoluak oinarri hartuta, 14 gauetan murgildu da Oskar Alegria zinemagilea, Donostiako Zinemaldian estreinatu berri den pelikulan. Hamalau gau, EITBrako proiektua da, Zabaltegi-Tabakalera sailean proiektatu dena. Arantzazuko santutegiko frisoan diren hamalau apostoluen multiplikazio baten modura, hamalau gau erakutsi ditu bere filmean eta bakoitzean artistaren alor desberdin bat jorratzen du. “Oteizaren figuratik gehien gustatzen zaidana da ate itxi bat dela. Bat zabaldu orduko, beste bat irekitzen da. Misterioa handitu egiten da beti”, dio Oskar Alegria zuzendariak. Musikak ere leku berezia du filmean. Iñar Sastre pianistak Arantzazuko organoan egindako piezak entzungo dira. Euskalerria Irratiko Guardasola saioan izan dugu gonbidatu Oskar Alegria zinemagilea.