Fermin Iriarte Irigoien abesbatza zuzendari eta pilotari profesional ohiari elkarrizketa biografikoa egin diogu Euskalerria Irratian. Zugarramurdin sortua, 1944an. Kaputxinoekin ikasia, umetatik azaldu zuen musikarekiko zaletasuna. Madrilen kantua ikasi eta bertako Koru Nazionaleko bakarlaria izan zen. 1968an, Zangozako korua sortu zuen. Kaputxinoak utzi eta 1975ean San Fermin Ikastolan hasi zen lanean, musika eta soinketa irakasle. Handik urte batera, San Fermin Abesbatza eratu zuen. Abenduan, 50 urte beteko ditu koruak. Fermin Erbiti kazetaria izan dugu bidelagun elkarrizketan. Ingurukoen lekukotasunak ere jaso ditugu.
Ikusten denez, musikari emana bizi den gizona dugu. Baina ez pentsa afizio bakarra duenik. Fermin Iriarte pilotari profesionala izana dugu. Momentuz ez du pilotan jokatzeari uzteko asmorik. Historia eta istorioak ere gustuko ditu, batez ere bere herrikoak. Artxiboen bisitari, agiri zaharrak aztertzen aritzen da. Horren emaitza dira Zugarramurdiko kontuei buruzko liburu bat eta beste lan batzuk.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.