Jaietako iratzargailuak dira, edota gau osoan parrandan geratu direnak etxeratzen laguntzen dutenak; erraldoi eta buruhandien lagun minak, dantzatzen jartzen dituzte gure oinak eta bere soinuak jai girora eramaten gaituzte. Gaiteroez ari gara, gaita eta danborraz zehazki. Txantrea auzoko gaitero bandak 40 urte betetzen ditu eta ekainaren 6rako egun osoko egitaraua prestatu dute ibilbide luze eta oparoa behar bezala ospatzeko. Euskalerria Irratiko Metropoli Forala saiora hurbildu zaizkigu Txantreako gaiteroak diren Beñat Lopez eta Julen Leuza.