Iruñea, 1951. urtea. Frankoren diktadura betean. Beldurraren, eskasiaren eta errazionamenduaren urteak ziren. Orduan ere erosketa egiteak poltsikoa xahutzea zekarren. Eta oinarrizko elikagaien prezioek gorakada betean zeuden. Horien artean, arrautzena. Dozena, 12 pezetatik 17ra igo zen eta horrek hiriko emakumeen protestak eragin zituen. Zabalguneko merkatuan hasi ziren bat-bateko kexa horiek, bost eguneko greba bat piztu zuten. Lantegiak itxi ziren, protestak egon ziren eta ehunka atxilotu ere. Historiak, orain arte isilik mantendu ditu gertakari hauek, seguruenik emakumeen lidergoa izan zutelako. Orain, 75 urte eta gero, erakusketa bat ikusgai dago Zabalguneko Merkatuan, gertatutakoa ez ahazteko eta egiaztatzeko, hainbat hamarkada eta gero, prezioen bat-bateko igoera neurrigabeek ere indarrean daudela. Aurrekaririk gabeko protesta hauen inguruan hitz egiteko, Euskalerria Irratiko Irrintzi Plazara hurbildu da Ane Diez de Ure historialaria.