Ilarren sasoia da udaberria. Barazki fina eta delikatua da, baita kozinatzerakoan ere. Egosi behar baditugu erne ibili behar gara, denbora neurtuz tamainaren arabera eta ur gazitan. Ilarraren loreak platerak apaintzeko erabili daitezke, freskotasuna eta kolorea emateko. Lekak, kanpoko azala eta guzti, zukuak edota saltsak egiteko. Eta ilarra aleak plater askotan erabili ditzakegu: entsaladetan, plater nagusi bezala, haragi edo arrainak laguntzeko. Zangozako Sustrai Barazkiak enpresako lagunek ere ilarrak ekoizten dituzte, baita orburuak, porruak, tomatea, kuiatxoa edota hain ohikoak diren potxak.
Barazki goxo honen inguruko ezaugarriak, errezetak eta gomendioak Julen Urtasun sukaldariarekin partekatu ditugu Irrintzi Plaza saioko Lapiko Artean atalean.