Taupa mugimenduak ‘Eusfera’ ekimena antolatu du maiatzaren 7tik 17ra Euskal Herri osoan. Horren kontura Laba elkartean egin dugu gaurko Metropoli Forala. Ardatz nagusiak hiru dira: haurrak, euskara eta aisialdia. Umeek euskaraz egin dezaten txikitatik euskarazko giro batean haztea ezinbestekoa da. Hala esan digute gonbidatu ditugun lagun eta eragileek. Familientzako ekimen berria da: baliabideak eta euskarazko espazio berriak eskaintzea du xede Eusfera ekimenak.
Haurren euskarazko aisialdiaren inguruan gogoeta egiteko hainbat lagun bildu ditugu irratsaioan: Taupa elkarteko kide Uxue Izko; Irauli elkarteko arduradun Ion Bujanda; Dindaia sareko zuzendari Esther Lakasta; Maite Uriarte eta Maialen Galartza euskara teknikariak; Amaiur ikastolako guraso Miren Munarriz; Eusfera ekimeneko koordinatzaile Xabi Urtasun eta Laba elkarteko ordezkari Beñat Lopez. Oskar Zapata euskalgintzako partaide historikoa ere gurean izan da.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.