Carlos Garaikoetxea Urriza politikari nafarra eta diktadura osteko lehenengo Lehendakaria 87 urte zituela zendu da gaur. Iruñeko Arrotxapea auzoan jaio zen 1938ko ekainaren 2an. Deustuko Unibertsitatean Zuzenbidean eta Ekonomian lizentziatu zen eta enpresa kudeatzaile aritu zen 70eko hamarkadan. Hamar urtez Nafarroako Merkataritza eta Industria Ganberako presidente izan zen. Garai haietan euskara ikasi zuen eta Nafarroako lehenengo Ikastolen bultzatzaileetako bat izan zen.
Politikara jauzia 1975ean egin zuen. Nafar Buru Batzarreko presidente izan zen bi urtez eta 1977an Euzkadiko Buru Batzarreko presidente izendatu zuen alderdiak. 1979an, Nafarroako parlamentari hautatu zuten, baina 1980an, Gernikako Estatutua Madrilekin negoziatu eta gero, EAEko lehendakaria hautatu zuten. Besteak beste, Osakidetza, Eitb edota Ertzaintza sortu zituen bere lehenengo legegintzaldian eta Kontzertu Ekonomikoa bultzatu zuen. 1984ko hauteskundeen ostean berriro aukeratu zuten lehendakari, baina 1985ean kargua utzi zuen EAJko zuzendaritzarekin zituen desadostasunen ondorioz. 1986an Eusko Alkartasuna alderdia sortu zuen. Parlamentari eta Europako diputatu izan zen, lehen lerroko politika 1999an utzi zuen arte.
Euskalerria Irratiko sorreran ere lagundu zuen Carlos Garaikoetxea Urrizak.
Diktadura ostean EAEko lehen Lehendakaria izan zen 1980 eta 1985 urte artean. Nafarroako lehenengo Ikastolak bultzatu zituen eta Euskalerria Irratiko sorreran lagundu zuen
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!