Legez kanpokoa da adingabeei tabakoa saltzea. Bi adingaberi saldu zien, baina, Erriberri aldeko saltoki batek tabako-kutxatila bana eta Osasun Departamentua prozesua segitzen ari da isuna jartzeko. 6.800 euro artekoa izan daiteke eta saltokiak egin beharko dio aurre. Guardia Zibila izan zen gertaeren lekuko: 16 urteko bi adingaberi tabakoa saldu zien saltokiak. Gazte horiei galdetu zien lehenbizi eta saltzaileari gero. Biek baieztatu zuten salerosketa hori egin izana. Saltzaileak ez zien eskatu haien adina ziurtatzeko dokumenturik eta bi gazteak arazorik gabe jabetu ziren tabako kutxatilez. Arau-hauste larria da eta Guardia Zibilak salmentaren unean bertan jarri zion isuna saltzaileari.
Nafarroako Gobernuko Osasun Departamentuak abian jarri du tabakoa saltzen duen Erriberri inguruko saltoki bati isuna jartzeko prozedura. 16 urteko bi adingaberi tabakoa saldu ziela egiaztatu zuen Guardia Zibilak eta 6.800 eruoko isuna jaso dezake.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!