EH Bilduko zinegotzi ohi Amaia Izko abokatua eta UPNko parlamentari ohi Iñaki Iriarte irakaslea solasaldi politikoaren tartean izan ditugu. 1968. urteko Parisko iraultzaz mintzatu gara eta garaiko leloek oraindik duten gaurkotasunaz. Ale bat adibide gisa: "Telebista, hozkailua eta VW autoa ditut baina ergel baten antzera bizi naiz beti". Iñaki Iriarteren esanetan, iraultza pop eta azalekoa izan zen hura. Amaia Izkoren ustez, altxamendu horren eta antzekoen emaitzak luzera aztertu behar dira. "Mugimenduon bidez urratsak egiten dira gizartean".
1968ko maiatzeko leloak zenbaterainoko gaurkotasuna duten aztertu dugu Metropoli Forala saioan:: Debekaturik dago debekatzea. Irudimena agintera. Borroka hau hasi besterik ez da egin. Aspertzea iraultzaren aurkakoa da. Ez ipini petatxurik, egitura ustelduta dago. Izan gaitezen errealista, Eska dezagun ezinezkoa. Zenbat amets? Galtzada-harrien azpian, hondartza. Grouchoren joerako marxista naiz. Barrikadak kalea ixten du baina bidea ireki. Ni naiz kaosa.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.