Ikastetxeetan gainezka eginda dabiltza irakasleak eguneroko errealitate anitzari aurre eginez. Gehigarri bat da osasun arazoak dituzten haurrei behar bezalako arreta eskaintzea. Hori, osasun arloko erizainak eraman dezake. Izan ere, egindako ikerlan baten emaitzek diote Lehen Hezkuntzako ikasleen %17k behar izan dutela arreta sikologikoa eta Bigarren Hezkuntzan %30ak. Asmak haurren %12ri eragiten die eta 15 urtetik beherako 175 adingabe dira diabetesarekin. Gazte horien gurasoek ere erreferentziazko pertsona lukete euren nolakotasuna zainduko lukeena.
Kanpaina jarri dute abian bi sindikatuek ‘Aulas Sanas’ izenarekin. Batetik, eskutitza helarazi diete bi departamentuei, hezkuntzakoari eta osasunekoari aintzat hartu dezaten haien proposamena. Bestetik, bideo bat sareratuko dute ikasgeletako errealitate hori azalduz, ikastaroak eginen dituzte ikastetxeetan ikasle eta gurasoekin eta maiatzaren 30ean elkarretaratze bat ere bai ikusgai jarri nahian euren eskaera.