Arrikrutz, Ekainberri, Isturitz-Oxozelhaya, Mendukilo, Pozalagua, Sara, Zugarramurdi eta Urdazubiko kobazuloak bisitatzeko aukera berezia izanen da Hego Euskal Herrian martxoaren 14 eta 15ean eta Ipar Euskal Herrian martxoaren 21 eta 22an. Lurpearen baitako kobak dira horiek guztiak eta deskontu bereziak eta zozketak eginen dituzte egun horietan. Helburua da bisitariak erakartzea eta lurrazpiko aberastasuna ezagutaraztea. Kobazuloen Egunarekin seigarren kontinentea deskubritzeko aukera emanen zaio, askotan, ezezagun den barne mundua ezagutarazteko. Lurpea.eus webgunearen bitartez zabaltzen ari dira egun horietarako sarreren salmenta, baita kobazulo bakoitzaren interneteko ataritik ere eta informazio guztia eskuragarri jarri dute. Amaia Govillar Mendukiloko gidarekin elkarrizketa egin du Euskalerria Irratiak. Argazkian klik eginda entzun daiteke.