Hilabete honetako Frikitoki atalean Dragon Quest bideojoko saga ezagutuko dugu. Dragoi Bolaren antza duten pertsonaiez beteta dago jokoa, izan ere, Akira Toriyama da marrazkien egilea. Momentuz 11 joko atera dituzte eta hilabete gutxi barru kaleratuko da azkenekoa, 3d marrazkiekin. Ondoren, Bears vs. Babies mahai jokoaren nondik norakoak azalduko dizkigu Ioritz Albertos gure adituak. Joko honetan zure pertsonaia osatzen joan behar zara, gorputzaren atal desberdinetako kartak bereganatuz. Helburua: hartz boteretsuan bihurtzea, haurrak menperatu ahal izateko. Bukatzeko, Kanariar Uharteetan aurkitu dezakegun Rubik enpresaren ihes-gelan hartuko dugu parte. Ezagutu nahi dituzu gurekin?