Hogeita hamar urte pasatu dira Elhuyarren lehen hiztegi elebiduna, euskara-gaztelania hiztegia, kaleratu zenetik. 1996. urtean hasi zuen ibilbidea Elhuyar Hiztegiak, zeina ezinbesteko lanabes bihurtu baita gaur egun euskaraz aritzen direnentzat eta ikasten ari direnentzat. Lehenengo paperezko edizioarekin batera CD-ROM formatuan ere kaleratu zuten eta 1999an Internetera egin zuen salto.
Erreferentziazko baliabidean bihurtu da Elhuyar Hiztegiko ataria. 2025ean 75 milioi kontsulta baino gehiago egin ziren. Webguneak astean 150.000 bisita ditu eta mugikorreko aplikazioa 100.000 aldiz baino gehiago deskargatu. Eta hiztegia bera baino gehiago da: euskararen erabileraren inguruko gomendioak, idazten laguntzeko tresnak edota euskara errepasatzeko eta hobetzeko jolasak era aurkitu daiteke Elhuyar Hiztegiko atarian.
“Proiektu bizia da. 2025ean, 2.800 sarrera inguru eguneratu ditugu. Horietatik, 2.000 inguru sarrera berriak dira, eta beste 800 sarreratan moldaketak egin dira”, adierazi digu Klara Ceberio Berger, Elhuyar Hiztegiko arduradunak.