Euriari aurre egin behar izan diote egunotan Lesakan eta Beran. Eguraldi petralak ez ditu herri hauetako inauteriak zapuztu. Lesakan zaku-zaharrak atera ziren igandean eta astelehen goizean herriko kuadrillak mozorroz eta kolorez bete dituzte kaleak. Beran berriz, Inudeak eta Artzaiak izan dira protagonista, xingar-arrautza eskearekin batera. Irrintzi Plaza saioan Lesakako alkate Ladis Satrustegirekin eta Berako kultura zinegotzia den Lupe Mendigutxiarekin hitz egin dugu inauterien ohitura zaharren inguruan.