‘Motos’, musika talde nafarrak disko bakarra plazaratu zuen duela 43 urte. Izenburua: ‘Muevete’. Orain, lan hura grabatu zuten zinta berreskuratu, konpondu eta berriz ondu dituzte, beti ere, lau kantuen jatorrizko bertsioaren oinarria errespetatuz. Nafarroako rockaren historian argitaratu den lehenengo diskoa da. ‘Motos’ taldea Francis Los Arcos, Patxi Goñi, Marino Goñi eta Toño Muro musikariek osatu zuten. Azken bi hauek irratian izan ditugu disko zaharra berrituta aurkezteko saioan.
Iruñean, rock sinfonikoa eta rock urbanoa nagusi ziren garaian, ‘Motos’ taldea sortu zen. Pop musika eta mod estiloa zituzten ikur. Aurretik, Fuletamol eta Tocamas taldeetan aritutako artistak ziren. Jatorrizko lau kantez gain beste bat gehitu dute lan honetan euskaraz: ‘Gaztelu Plaza’. EP formatuan salgai dago: Estafetako liburudendan, San Nikolas Plazako Bulego dendan eta Kale Nagusiko Katakraken.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.