Eskiatzaile nafarrak goi-mailan jardun ziren joan zen asteburuan Baqueira Bereten, eta Martin estatu mailako eskiatzailerik indartsuena izan zen 42 kilometroko lasterketan, Irati Cuadrado bezalaxe. Orain, jarraian, eskiak kendu eta txandala jantziko du Martinek, ostiral honetatik aurrera teknikari lanetan ariko baita Italian lehiatuko diren Neguko Olinpiar Jokoetan.
Eskiatzaile gisa ez du lortu hitzordurik handienean parte hartzerik, baina bide alternatiboa erabilita, tokia egin du otsailaren 22ra bitarte jokatuko den ekitaldian. Martinek teknikari gisa dihardu Espainiako Federazioan, eta eskiatzaileak zuzendu, babestu eta laguntzeko ardura izango du datozen asteetan. Gogotsu dago, eta ez du presiorik nabaritzen.
Hemen entzungai Beorburuko eskiatzailearekin izandako solasaldia.