‘Diccionario de términos y expresiones populares de Artazu-Navarra’ hiztegian, onomatopeiak, tokiko izenak, aditzak, esamolde zaharrak, jolasak eta herriko ele bereziak dira nagusi. Egilearen seme Oskar Alegria zinegilearen ustez, “herriaren ahotsa dago liburuan eta ez herritar bakar batena; Gure entziklopedia da. A-tik Z-ra antolatu dugu. Hitz bakoitzak bere esanahia dauka eta bakoitzaren ondoan adibide bat idatzi dugu”. Jesus Alegriaren eskua ageri da azalean eta behatz bakoitzean izen bat idatzita: txorro, piko, tallo, madera, piki. Haurtzaroko jolas baten izena da.