Alexandriako Hipatia, Edith Clarke, Klara Von Neumann, Ada Lovelace edota Margarita Salas emakume zientzialariak izan ziren. Eta ez edonolakoak. Elektrizitatearen alorrean, matematikan, haririk gabeko komunikazioan edota ordenagailu elektronikoen programazioan aitzindariak izan dira. Eta orain zientziari egindako ekarpen erraldoia ezagutzeko aukera emango du Nafarroako Unibertsitateak, Emakumea naiz eta zientzialaria izan nahi dut izeneko antzezlanean.
Emakume zientzialari hauen azalean emakume nafar zientzialariak sartuko dira. Otsailaren 11n, Emakume zientzialariaren egunean taularatuko dute obra Baztanen eta NUPen martxoaren 30ean eta apirilaren 27an. Haur eta gazteei zuzendutako antzezlana da eta ikastetxeek aukera dute izena emateko unavarra.es webgunean. Bertan aurkituko duzue informazio guztia.
Metropoli Forala saioan Ana Zabaltza eta Miriam Gil zientzialari eta antzezleekin mintzatu gara.