Txirrindularitzaren barruan, errepidea da foku gehien bereganatzen dituen modalitatea, baina asfaltotik kanpo ere bada pedalei non eragin. Iazko urrian, adibidez, mendiko ziklismoaz hitz egin genuen Estibaliz Sagardoi txirrindulari nafarrarekin. Oraingoan, ordea, pistako txirrindularitzari erreparatu nahi izan diogu, eta horretarako, Anai Jimenez gonbidatu dugu.
19 urteko ziklista gaztea da Jimenez, eta bikain moldatzen da belodromoan. Miguel Indurain Fundazioaren beka dauka –pistako beste lau ziklistarekin batera –, eta berriki Espainiako Txapelketan hartu du parte. Bada, pistako ziklismoa zertan datzan azaldu digu, eta bere ibilbideaz ere galdetu diogu.