Waterpolo Iruñak bigarren denboraldia du onenen artean, eta iaz salbazioa doi-doi lortu ondoren, berriz ere hortzak estutu beharrean izango da mailari eutsi nahi badio. Ezuste handirik ezean, playoffa jokatuko du denboraldi amaieran, eta alde horretatik, baliagarri suerta dakioke iazko bukaera dramatikoan pilaturiko esperientzia.
Eta noski, Ane Cuervo golegilearen ekarpena ere funtsezkoa izango da. Min hartuta izan da sasoi hasieran, eta haren itzulerak mesede handia egin diezaioke taldeari. Cuervorekin hitz egiteko aukera izan dugu Kirolerrian. Taldearen krisiaz galdetu diogu, baita bere sentipen pertsonalez ere.