Hiru urtez La Unica talde iruindarrean aritu ondotik, joan zen azaroan Ohorezko Mailan dabilen Real Ciencias Sevilla taldearen eskaintza iritsi zitzaion Olaberi. Ez zen erabaki erraza, baietz esateak bizimodu aldaketa baitzekarren: Iruñetik atera, senitarteko eta lagunei agur esan, ordura arteko lana utzi…
Alabaina, oso aukera tentagarria zen maila nagusian jardun ahal izatea, eta ilusioz beterik, Sevillarantz abiatu zen errugbilari nafarra. Bi hilabete igaro dira fitxaketa ofizial egin zenetik, eta aldaketa oso handia izan den arren, egokitzapena bide onetik doakiola azaldu du Olabek.