Zenbait txakurrek lera batetik tira egitean datza mushinga. Behinola, funtsezko garraiobidea izan zen eskualde polarretan, baina gaur egun, batik bat kirol gisa da ezaguna. Txakurrak uhal batekin gerrira lotu, eta korrika aritzen dira batzuk; modalitate hori, canicross bezala da ezaguna. Eta beste hainbat aldaera ere badira, txakurrak bizikleta bati, eskiei edo lera bati atxikita egiten direnak.
Jatorriari erreparatuta, neguko kiroltzat jo behar da; beraz, gabonak ate joka diren honetan, momentu aproposa da mushingaz hitz egiteko. Eta horretarako, Harkaitz Aizpurua lera gidaria gonbidatu dugu aste honetan Kirolerria saiora.