'Cabezon de Etxauri bizirik' plataformako kide bi izan ditugu irratian. Sarbil inguruan egin nahi duten energia makroproiektuaz aritu dira solasean. 80.000 modulu fotoboltaiko paratu nahi dituzte bertan. Etxauriko Haitzen azpian. Mendiko 62 hektarea beteko lituzkete. Ekimen honetako ordezkariek salatu dutenez udalak eta sustatzaile pribatu batek proiektua publikoki aurkeztu zuten urriaren 31an. "Prozesuan ez da gardentasunik egon eta herritarrek ez dute iritzia emateko aukerarik izan". Larunbat eguerdirako elkarretaratzea deitu dute Etxaurin herritarren ezinegona adierazteko.
Sarbil Bizirik ekimeneko kideen ustez, makroproiektu fotoboltaikoaren ondorioak larriak izanen lirateke. Batetik, proiektuak eragin onartezinak dakartza paisaia berezi batean. Bestetik, proiektuaren eraikitzea bateraezina da zaindu nahi den ondasunarekin. Azkenik, fauna basatia erakartzea, abeltzaintza garatzea eta naturguneak hedatzea oztopatuko luke proiektu honek.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.