Joan zen larunbatean Neska Box Gaua ospatu zen Ezkabarteko kiroldegian, Fitbox eta Iparbox taldeek antolatuta. Boxeoa eta muay-thaia izan zituen ardatz, eta borrokalari guztiak emakumezkoak izan ziren. Alde horretatik, mugarritzat jo daiteke, aurrez Nafarroan ez baita sekula egin halako jaialdirik.
Azaroaren 25ari dagozkion aldarrikapenen baitan antolatu dute, emakumeen kontrako indarkeria gaitzesteko intentzioz. Eta era berean, emakumeek borroka kiroletan duten parte hartzea ezagutarazi nahi izan dute. Emakumeen arteko 11 borrokaldik osatu zuten larunbateko kartela, eta lehiakideen artean izan zen Garazi Manterola. Ring gainean gertatu zenaz eta jaialdiari garrantzi sinbolikoaz mintzatu da Kirolerria saioan.